کیا جناح کا پاکستان سیکیولر پاکستان تھا؟

یہ تنقید جناح پر نہیں، ہمارے لبرل دوستوں کے مطالعے کے فقدان پر ہے۔ لہذا جب پاکستانی لبرلز بار بار جناح کی گیارہ اگست کی تقریر کا حوالہ دے کر انہیں سیکولر ثابت کرتے ہیں تو زیرلب مسکرا دیتا ہوں۔ اگر پھر بھی گیارہ اگست کی یاد ستائے تو یہ بھی سن لیں کہ بہت سے سیکیولر تاریخ دانوں کے نزدیک وہ تقریر بٹوارے کے بعد پاکستان میں موجود اقلیتوں کے قتل عام کے خوف سے کی گئی تھی۔ لہذا اگر آپ بھی اس غلط فہمی کا کبھی نا کبھی شکار رہے ہیں کہ جناح کا پاکستان سیکیولر پاکستان تھا یا پھر عین اسلامی پاکستان تھا تو آپ کے لیے بری خبر یہ ہے کہ نظریاتی اعتبار سے جس میں آج آپ زندہ ہیں، یہی جناح کا پاکستان ہے۔ جہاں صرف تجربے ہو سکتے ہیں، ترقی نہیں۔ کیونکہ نظریہ ہونا کیا تھا، یہ کسی کو معلوم نہیں۔ خوش رہیں.