جیسا کہ میں نے آخری بلاگ میں بتایا کہ پیشتر ممالک نے ڈیجیٹل نومیڈز/ ریموٹ ورکرز/فری لانسرز ویزوں کی مختلف کیتیگریز متعارف کروائی ھیں۔
کن ممالک میں ڈیجیٹل نومیڈز اور فری لانسرز ویزے کے لئے اپلائی کیا جا سکتا ہے؟ اور انکی چیدہ چیدہ شرائط یا ریکوایرمینٹس کیا ہیں؟
یہ معلوماتی بلاگ بھی اسی سلسلے کا پارٹ 2 ھے۔

|جمہوریہ چیک

ناصرف اس وسطی یورپی ملک کے تاریخی قصبوں اور پہاڑوں کی تلاش کی سیر کریں بلکہ ان کے تیز انٹرنیٹ کنکشن کا استعمال کرتے ہوئے بحثیت ریموٹ ورکرکام بھی کریں! چیک جمہوریہ کا فری لانسر ویزا جسے ٰزیونوٰ کہتے ہیں۔ یہ ایک سال کے لیے موزوں ہے ، اور اس میں توسیع بھی کی جا سکتی ہے۔ یہ اس فہرست کے دیگر ویزوں کے مقابلے میں قدرے پیچیدہ ہے ، لیکن یہ قابل عمل ہے۔

بنیادی شرائط۔

مخصوص کاروبار لسٹ میں سے کسی ایک کے لیے آپ کے پاس تجارتی لائسنس ہو۔
کم از کم ایک سال کے لیے رہائش کا ثبوت۔
آپ کے بینک اکاؤنٹ میں کم از کم، ۵،۵۸۷ یوروز کا ثبوت (فی شخص)
مقامی ٹیکس میں تقریبا ۸۰ ڈالرز ہر ماہ ادا کرنے ہونگے۔

درخواست دینے کا طریقہ۔

یہ تھوڑا پیچیدہ پراسس ہے. لیکن قابل عمل. پھر بھی بہتر ہے کہ کسی امیگریشن ایجنسی کی خدمات حاصل کی جایئں۔
مطلوبہ دستاویزات کی فہرست کو مکمل کریں۔
لمبے قیام کے ویزے کے لیے چیک ایمبیسی میں خود درخواست جمع کروانی ہو گی۔
سویوروز کی ویزا فیس ادا کریں

دبئی !متحدہ عرب امارات!

متحدہ عرب امارات کے شہر دبئی نے اکتوبر میں اپنا ایک سالہ ورچوئل ورکنگ پروگرام شروع کیا ہے جس کی مد د سے ڈیجیٹل نومیڈز اور ریموٹ ورکرز مشہور صحرائی نخلستان میگا سٹی میں ساحل کے کنارے رہتے ہوے کام کر سکتے ہیں۔
نیا ریموٹ ورک ویزا آپ کو آزادی دیتا ہے کہ آپ دبئی آئیں ، اپنے خاندان کو لائیں ، کام کریں جب کہ آپ اپنے ملک میں ملازمت کر رہے ہوں۔ دبئی افراد پر انکم ٹیکس نہیں لگاتا۔ آپ تمام مطلوبہ سہولیات تک رسائی حاصل کرسکتے ہیں ، بشمول ٹیلی کام ، اور اسکولنگ وغیرہ۔

بنیادی شرائط۔

ایک سال کے معاہدے کے ساتھ ملازمت کا ثبوت ، یا کمپنی کی ملکیت کا ثبوت۔
کم از کم ۵،۰۰۰ ڈالرز ماہانہ تنخواہ ، ۳ پچھلے مہینوں کے بینک اسٹیٹمنٹ۔
ہیلتھ انشورنس جو متحدہ عرب امارات میں بھی کورکر سکے ۔

درخواست دینے کا طریقہ۔

آنلائن درخواست فارم پُر کریں۔
۲۸۷ ڈالرز ویزا فیس ادا کریں۔

جارجیاـ

کورونا وائرس کی وجہ سے جزوی طور پر سیاحت میں ڈرامائی کمی ہوئی، جس وجہ سےجارجیا ان ممالک میں سے ایک ہے جو ڈیجیٹل نومیڈ ویزا پیش کرتا ہے جسے “ریموٹلی جارجیا” کہا جاتا ہے تاکہ ان کی معیشت کو متحرک کیا جا سکے۔ اگر آپ ریموٹ ورکر ہیں تو ، کیوں نہ اس ملک سے کام کریں جو رنگ برنگے شہروں اور خوبصورت پہاڑی مناظر کی وجہ سے جانا جاتا ہے۔

بنیادی شرائط۔

آپ ایک آزاد کاروبار کے مالک ہیں ـ
آپ جارجیا سے باہر کی کمپنی کے ریموٹ ورکر ہیں۔
آپ کو جارجیا میں رہتے ہوئے ٹیکس ادا کرنے کی مالی صلاحیت کو ثابت کرنا ہوگا۔
آپ کم از کم ۲۰۰۰ ڈالرز ہر ماہ کماتے ہیں۔
آپ کو لازمی طور پر ۱۴ دن کے قرنطین سے گزرنا ہوگا۔
چھ ماہ کے لیے ٹریول انشورنس۔

درخواست دینے کا طریقہ۔
آن لائن درخواست فارم پُر کریں۔

آئس لینڈ ـ

ہاں ، آپ نے صحیح پڑھا۔ آئس لینڈ کے پاس ڈیجیٹل نومیڈز اور ریموٹ ورکرز کے لیے اپنا طویل مدتی ویزا ہے! آئس لینڈ دنیا کے میرے پسندیدہ ممالک میں سے ایک ہے ، وہاں دیکھنے کے لیے بہت خوبصورت مناظر ہیں۔ ایسے دلکش مناظر جو صرف فینٹسی ورلڈ کا حصہ لگتے ہیں۔
آئس لینڈ کا طویل مدتی ویزا صرف چھ ماہ کے لیے اچھا ہے ، لہذا یہ دستیاب مختصر ترین ڈیجیٹل نومیڈ ویزوں میں سے ایک ہے۔

بنیادی شرائط۔

آپ کا خود مختار کاروبار ہونا چاہیے یا آپ آئس لینڈ سے باہر واقع کمپنی کے ریموٹ ورکر ہوں ۔
اپنی ملازمت کا ثبوت فراہم کریں۔
کم از کم ماہانہ آمدنی تقریبا ۷،۷۶۳ ڈالرز ـ
آئس لینڈ کے لیے ٹریول​ ہیلتھ انشورنس کا ثبوت۔

درخواست دینے کا طریقہ۔

آنلائن درخواست فارم مکمل کریں۔
۷۸۰۰کرونا ویزہ پروسیسنگ فیس ادا کریں۔

مالٹا !

مالٹا بھی اپنا ڈیجیٹل نومیڈز رہائشی ویزہ کر رہا ہے جو خاص طور پر یورپی یونین سے باہر کے ریموٹ ورکرز کےلئے ہے۔ بحیرہ روم کا جزیرہ مالٹا کئی سالوں سے ڈیجیٹل خانہ نومیڈز کے لیے پرکشش رہا ہے ، اس کی وجہ دھوپ والے جزیرے ، وسیع پیمانے پر بولی جانے والی انگریزی اور مضبوط انٹرنیٹ انفراسٹرکچر (بشمول ملک گیر ۵ جی سروس) ہیں۔
مالٹا کے ایک سال کے ڈیجیٹل نومیڈ رہائشی اجازت نامے کے لیے کوالیفائی کرنے کے لیے ، درخواست دہندگان کو یہ ثابت کرنا ہوگا کہ وہ انٹرنیٹ کے ذریعے ریموٹ ورک کر سکتے ہیں۔

بنیادی شرائط۔

آپ کو کسی غیر ملک میں رجسٹرڈ کاروبار کے لیے کام کرتے ہوں ، بیرونی ملک میں رجسٹرڈ کمپنی کے لیے بطور شیئر ہولڈر یا پارٹنر شپ کاروبار کر رہے ہوں ، یا ایسے کلائنٹس کو فری لانس خدمات پیش کر رہے ہوں جن کے مستقل ادارے غیر ملک میں ہوں۔
ماہانہ ۲،۷۰۰ یورو کی مجموعی آمدنی ہونی چاہیے۔
مالٹا میں آپ کے قیام کے لیے ٹریول​ ہیلتھ انشورنس کوریج کا ثبوت۔
مالٹا میں جائیداد کا کرایہ نامہ یا خریداری کا معاہدہ ۔
بیک گراونڈ چیک کا ثبوت۔

درخواست دینے کا طریقہ۔

آنلائن درخواست فارم مکمل کریں۔
۳۰۰ یورو کی انتظامی فیس ادا کریں۔

ماریشس!

ماریشس نے ابھی ریموٹ ورکرز کے لیے اپنا خصوصی ویزا جاری کیا ہے۔ یہ ایک حیرت انگیز طور پر خوبصورت ملک ہے ، جس میں کرسٹل صاف پانی ، گھنے جنگل اور ہائکنگ کے لیے خوبصورت پہاڑ ہیں۔
ایک سال طویل پریمیم ویزا کے لیے کوالیفائی کرنے کے لیے ، آپ کو اپنے قیام کے لئے سفری اور صحت انشورنس کا ثبوت پیش کرنا ہوگا۔

بنیادی شرائط۔

آپ کو اپنے خود مختار کاروبار کا مالک ہونا چاہیے یا ماریشس سے باہر واقع کمپنی کے لیے ریموٹ ورکر ہونا چاہیے۔
ماریشس میں رہنے کے منصوبوں کا ثبوت ء وہ آپ کے دورے کے مقصد اور مطلوبہ رہائش کے بارے میں تفصیلات پوچھ سکتے ہیں۔
ماریشس میں آپ کے قیام کے لیے سفر،​صحت انشورنس کوریج کا ثبوت۔

درخواست دینے کا طریقہ۔

درخواست فارم مکمل کریں۔
کوئی ویزا فیس نہیں ہے ، یہ مفت ہے!

میکسیکو!

میکسیکو ڈیجیٹل نومیڈز کے لیے ایک پسندیدہ ہاٹ سپاٹ ہے ، جزوی طور پر ان کے چھ ماہ کے طویل سیاحتی ویزے کی وجہ سے ، تاہم وہ ایک عارضی رہائشی ویزا بھی پیش کرتے ہیں جو کہ ایک سال کے لیے اچھا ہوتا ہے جس کو مزید تین سال تک تجدید کروا سکتے ھیں۔

بنیادی شرائط۔

آپ ایک آزاد کاروبار کے مالک ہیں ـ
آپ میکسیکو سے باہر کی کمپنی کے ریموٹ ورکر ہیں۔
آپ کم از کم ۱،۶۲۰ ڈالرز ہر ماہ کماتے ہیں یا آپ کا بینک بیلنس ۲۷،۰۰۰ ڈالرز ہے۔

درخواست دینے کا طریقہ۔

مطلوبہ دستاویزات جمع کریں اور درخواست فارم مکمل کریں۔
قریبی میکسیکن قونصل خانے میں اپائنٹمنٹ حاصل کریں۔

ناروے!

ناروے کو اسکے مضبوط سماجی جمہوری نظام ، دولت ، قدرتی خوبصورتی اور ترقی پسند آبادی کی وجہ سے اسکینڈینیوین جنت کہا جاتا ہے۔

بہت سارے ڈیجیٹل نومیڈز اور ریموٹ ورکرز ناروے منتقل ہونے کے لئے بیتاب ہوتے ہیں ـ وہ ناروے کے انڈیپینڈنٹ کنٹریکٹ ویزا کے زریعے ۲ سال تک رہائش حاصل کر سکتے ہیں۔

بنیادی شرائط۔

ناروے میں کاروبار کےکسی پروجیکٹ پر کام کرنے کا معاہدے ۔
اپنے پیشے میں کام کرنے کے لیے آپ کے پاس متعلقہ قابلیت ہونی چاہیے۔
ناروے میں رہائش کا ثبوت۔
ٹیکس سے پہلے کم از کم، ۳۵،۷۱۹ یوروز سالانہ آمدنی دکھائیں۔

درخواست دینے کا طریقہ۔

ناروے کی ڈائریکٹوریٹ آف امیگریشن کی ویب سائٹ پر درج مطلوبہ دستاویزات جمع کریں۔
درخواست کو پُر کریں ، اور اسے قریبی ناروے کے سفارت خانے میں لائیں۔
ویزا درخواست کی فیس تقریبا ۶۰۰ یوروز ادا کریں۔

پرتگال!

پرتگال کا عارضی رہائشی ویزا ایک سال کے لیے ریموٹ ورکرز اور کاروباری افراد کے لیے رہائشی اجازت نامہ ہوتا ہے .جس میں ۵ سال تک تجدید کی صلاحیت ہوتی ہے۔ ۵ سال کے بعد آپ مستقل رہائش کے لیے درخواست دے سکتے ہیں۔غیر ملکی ویزا ہولڈر اور رہائشی کی حیثیت سے ، آپ کو ایک رہائشی کارڈ دیا جائے گا ، ​ٹیٹولو ڈی ریزیڈنشیا۔
​یہ پرتگال میں آپ کی سرکاری شناخت ہے۔ خاص طور پر خوبصورت پرتگالی جزیرہ مادیرا ڈیجیٹل نومیڈز ویلج کے اجراء کی وجہ سے ریموٹ ورکرزکا مرکز بن گیا ہے

بنیادی شرائط۔

جائیداد سے آمدنی کا ثبوت ، کاروباری ملکیت کا ثبوت ، یا مالی ذرائع کا ثبوت۔
آپ کم از کم ۶۰۰ یورو ماہانہ کماتے ہیں۔
نجی سفر​صحت انشورنس کا ثبوت۔
کریکٹر سرٹیفیکٹ۔

درخواست دینے کا طریقہ۔

مطلوبہ دستاویزات جمع کریں ، پرنٹ کریں اور درخواست فارم مکمل کریں۔
قریبی پرتگالی قونصل خانے میں اپائنٹمنٹ حاصل کریں۔
۸۳ یوروز ویزا فیس اور ۷۲ یوروز رہائشی پرمٹ فیس ادا کریں۔

سپین!

اسپین کا نان لوکاریٹیو ویزا جو غیر ملکیوں کو کم از کم ایک سال تک اسپین میں رہنے کی اجازت دیتا ہے ، تجدید کی صلاحیت کے ساتھ۔ اس کے ساحل ، پہاڑوں اور آرام دہ طرز زندگی کے امتزاج کی وجہ سے، یہ بہت سے لوگوں کےلئے پسندیدہ ہے۔ تاہم تکنیکی طور پر آپ کو اس ویزے پر “کام” کرنے کی اجازت نہیں ہے.یہ ان لوگوں کےلئے ہے جو “ریٹائرڈ” اور خود کفیل ہیں۔

بنیادی شرائط۔

آپ سرمایہ کاری یا ریٹائرمنٹ کی آمدنی کے ذریعے کم از کم ۲۱۵۱ ماہانہ حاصل کرسکتے ہیں یا آپ کی مد میں بچت میں ۲۵۸۱۶ یوروز ہولڈ کرتے ہیں۔
نجی ہسپانوی ہیلتھ انشورنس کا ثبوت۔
کریکٹر سرٹیفیکٹ ۔
اچھی صحت کا میڈیکل سرٹیفکیٹ ۔

درخواست دینے کا طریقہ۔

آپ کو قریبی سپینش قونصل خانے یا سفارت خانے میں ذاتی طور پر درخواست دینے کی ضرورت ہے۔
آپ کی تمام دستاویزات کا سپینش زبان میں ترجمہ ہونا ضروری ہے اور ساتھ ہی آپ کے آبائی ملک سے بھی تصدیق شدہ ہونا چاہیے۔
نوٹری پبلک میں حلف نامے پر دستخط کریں کہ آپ سپین میں رہتے ہوئے کام نہ کرنے پر راضی ہیں۔
۱۴۰ ڈالرز کی ویزا درخواست فیس ادا کریں۔

انگویلا (یوکے علاقہ)

آخر میں ، انگوئلا کے برطانوی علاقے نے ابھی ڈیجیٹل نومیڈ کے لیے اپنا خصوصی ویزا شروع کیا ہے جو کیریبین جزیرے کے خوبصورت مقام سے “ریموٹ ورک” کرنا چاہتے ہیں۔

جزیرے پر صرف ۳ تصدیق شدہ کوویڈ کیسز اور کوئی جانی نقصان نہیں ، اینگویلا کو جون ۲۰۲۰ میں ورلڈ ہیلتھ آرگنائزیشن (ڈبلیو ایچ او) نے کوویڈ ۱۹سے آزاد قرار دیا تھا۔

بنیادی شرائط۔

ادائیگی کے لیے ایک اضافی فیس ، ۲۰۰۰ فی فرد یا ۳۰۰۰ دالرز فی خاندان ہے جو کہ فی شخص کے دو ٹیسٹ ، نگرانی اور اضافی صحت عامہ سے منسلک اخراجات ، توسیع شدہ امیگریشن وقت​ کی لاگت اور ڈیجیٹل ورک پرمٹ پر مشتمل ہے۔

درخواست دینے کا طریقہ۔

سال بھر کے قیام کے لیے آنلائن درخواست فارم مکمل کریں۔۔
ویزا فیس فی فرد $ ۲۰۰۰ ، یا $ ۳۰۰۰ فی فیملی ادا کریں۔

 

بیرون ملک نومیڈز زندگی گزارنا۔

ریموٹ ورکرزکو راغب کرنے کے لیے ڈیجیٹل نومیڈز ویزوں کے اجراء کے اس نسبتا نئے رجحان کی پیش گوئی ۲۰ سال قبل جاپانی ٹیکنالوجسٹ سوگیو ماکیموٹو نے کی تھی جنہوں نے لکھا تھا کہ ریموٹلی ورک سے قومیں”شہریوں کے لیے مقابلہ کرنے پر مجبور ھوجائیں گی” اور یہ ڈیجیٹل نومیڈز مادہ پرستی اور قوم پرستی میں کمی ” کا اشارہ ہے.اس کی پیشن گوئی سچ ثابت ہو رہی ہے ، اور پوری دنیا ان “انٹرنیشنل سٹیزنز” کے لیے اپنی سرحدیں کھول رہی ہے جو آنے والے برسوں میں اپنے لیپ ٹاپ سے ًریموٹلی ورکً کر سکیں گے۔

 

یاد رہے کہ دی گئ معلومات تمام ممالک کبھی بھی تبدیل کر سکتے ہیں. مختلف ممالک کی ویزا فیس، ریجن کے مطابق مختلف ہو سکتی ہے
.اگر آپ کو کوئی معلومات درکار ہوں یا پھر کوئی سوال ہو تو نیچے کمنٹ سیکشن میں پوچھ سکتے ہیں

زیشان

https://twitter.com/xeeShan011