اینٹ اور شراب

شرابی ایک عالم دین سے : جناب! مجھے بتائیں کہ اگر میں کھجوریں کھاؤں تو آپکو کوئی اعتراض ہے؟
عالم دین: بالکل کوئی اعتراض نہیں ـ

شرابی: اگر اس کے ساتھ کچھ جڑی بوٹیاں کھالوں؟
عالم: کوئی رکاوٹ نہیں ـ

شرابی: اور اگر میں ان میں پانی شامل کر لوں؟
عالم: بڑے شوق سے پیو ـ

شرابی: یہ ساری چیزیں جائز اور حلال ہیں تو پھر آپ شراب کو کیوں حرام کہتے ہیں؛ حالانکہ اس میں یہی تو چیزیں ہیں جن کے کھانے اور پینے کی اجازت آپ دے رے ہیں یعنی کھجوریں پانی اور جڑی بوٹیاں!

عالم دین شرابی سے: اگر تمہارے اوپر پانی پھینکا جائے تو اس پر تمہیں کوئی اعتراض ہوگا؟
شرابی: ہرگز نہیں پانی سے کیا فرق پڑتا ہے!

عالم: اچھا! اگر اس پانی میں مٹی گھول دے جائے تو تم اس سے مر جاؤ گے؟
شرابی: جناب! مٹی سے میں نے کسی کو مرتے ہوئے نہیں دیکھا ـ

عالم: اگر میں مٹی اور پانی لوں اور ان کو گوندھ کر ایک اینٹ بنالوں اور اسے خشک کرکے تمہیں دے ماروں تو کیا ایسا کرنے پر تمہیں کوئی اعتراض ہے؟
شرابی: جناب! اس سے تو آپ مجھے قتل کر دیں گے ـ

عالم: شراب کا بھی یہی حال ہے ـ

کتاب: سُنہرے اوراق ۔